Angliya Premyer-ligasining 24-turidan o’rin olgan bahsda “Arsenal” o’z maydonida “Manchester Siti”ni qabul qildi va yirik 5:1 hisobida g’alaba qozondi.
Dastlab, Edegor 2-daqiqada gol urib, londonliklarni hisobda oldinga olib chiqdi. 55-daqiqada Holandning goli evaziga “shaharliklar” oradagi muvozanatni tikladi.
Biroq “Arsenal” bu golga tez reaksiya bera oldi va 56-daqiqada Tomas Parti “to’pchilar”ni hisobda oldinga olib chiqdi. Oradan 6 daqiqa o’tar-o’tmas Luis-Skelli oradagi farqni ikkitaga yetkazdi.
76-daqiqada Kay Xaverts jamoasining to’rtinchi goliga mualliflik qildi. Asosiy vaqtga qo’shib berilgan daqiqalarda esa Nvaneri uchrashuvga nuqta qo’ydi.
Shu tariqa, “Manchester Siti” Abduqodir Husanov zaxirada qolgan o’yinda qaqshatqich mag’lubiyatga uchradi.
APL | 24-tur
“Arsenal” 5:1 “Manchester Siti”
Gollar: Edegor 2′, Tomas 56′, Luis Skelli 62′, Xaverts 76′, Nvaneri 90+3′ – Holand 55′
