Robert Levandovski Messidan so‘ng Ispaniya chempionatining bir mavsumida dastlabki 22 o‘yinida 19 ta yoki undan ko‘proq gol urgan birinchi futbolchi bo‘ldi. Bungacha faqat argentinalik futbolchi 2019/2020-yilgi mavsumda shunday natijaga erishgan edi. Bu haqda OptaJose xabar bermoqda.
Ispaniya chempionatining 23-turida Kataloniya klubi “Sevilya”ga qarshi o‘yinda g‘alaba qozondi – 1:4. 9-fevral kuni bo‘lib o‘tgan uchrashuvda polshalik futbolchi jamoasining dastlabki goliga mualliflik qildi.
Eslatib o’tamiz, Levandovski 2022-yildan beri “Barselona” safida to‘p suradi. Uning klub bilan shartnomasi 2026-yilning yoziga qadar mo‘ljallangan.
Ma’lumot uchun, polshalik forvard joriy mavsum barcha musobaqalar doirasida 33 ta o‘yinda maydonga tushib, 31 ta gol urdi va 3 ta golli uzatma amalga oshirdi.
