Kataloniyaning “Barselona” klubi sobiq futbolchisi Rivaldo jamoaning 17 yoshli vingeri Lamin Yamal haqida fikr bildirdi.
“Lamin xuddi 25 yoshli futbolchidek o’ynaydi. Men uning darajasiga qoyil qolaman. Bu yigit kataloniyaliklar uchun haqiqiy xazina. Yaqin kelajakda u dunyoning eng yaxshi futbolchisi nomiga da’vogar bo’ladi”, – deydi Rivaldo.
Ma’lumot uchun, Yamal joriy mavsum La Ligada 19 ta o’yinda maydonga tushib, 5 ta gol urdi va 10 ta golli uzatmani amalga oshirdi. Uning Transfermarkt’dagi narxi 180 million yevroga baholanmoqda.
