Fransiyaning PSJ klubi ijara asosida “Galatasaroy”da to’p surayotgan “Napoli” hujumchisi Viktor Osimhenga qiziqish bildirmoqda. Bu haqda RMC Sport xabar berdi.
Manbaga ko’ra, nigeriyalik futbolchi parijliklarni tark etishi yaqin bo’lib turgan Randal Kolo Muanining o’rnini egallashi mumkin.
Ta’kidlanishicha, Osimhenning qishki transferlar oynasidagi narxi yozdagiga qaraganda ancha pastroq bo’ladi.
Ma’lumot uchun, Osimhen joriy mavsum barcha turnirlarda 12 ta o’yinda maydonga tushib, 9 ta gol urdi va 5 ta golli uzatmani amalga oshirdi. Uning Transfermarkt’dagi narxi ayni dam 75 million yevroga baholanmoqda.
