“Real”ning 22 yoshli markaziy himoyachisi Raul Asensioga Yevropaning bir qancha grand jamoalari qiziqish bildirmoqda. Bu haqda Relevo xabar berdi.
Manbaning ta’kidlashicha, PSJ qishki transferlar vaqtida ispaniyalik futbolchini sotib olishga urinib ko’rgan.
Biroq “Qirollik klubi” Asensioni sotish niyatida emas. Futbolchining o’zi ham Madridni tark etishni istamayapti. 22 yoshli futbolchining shartnomasidagi tovon puli 50 million yevroni tashkil qiladi.
Ma’lumot uchun, Asensio joriy mavsum barcha turnirlarda 34 ta o’yin o’tkazib, 2 ta golli uzatmani amalga oshirdi. Uning “Real” bilan tuzgan amaldagi shartnomasi 2026-yilga qadar amal qiladi.
