Braziliya terma jamoasi va Madridning “Real” klubi sobiq himoyachisi Marselo 36 yoshida professional futbolchilik faoliyatini yakunladi.
Marselo 15 yil davomida (2007-yildan 2022-yilgacha) “Real” safida to’p suradi va 546 ta o’yin o’tkazdi (38 ta gol, 103 ta golli uzatma). U “Qirollik klubi” bilan 25 ta sovrinni qo’lga kiritdi.
Eslatib o’tamiz, Marseloning faoliyatidagi so’nggi klubi “Fluminense” edi. Shuningdek, sobiq himoyachi Braziliya terma jamoasi safida 58 ta o’yinda maydonga tushgan va 2013-yilda Konfederatsiyalar Kubogini qo’lga kiritgan.
