O‘zbekistonlik MMA jangchisi Shohasan Mirzamatov bir necha kun oldin avtomobilida to‘qnashuv sodir etgani haqida xabar berilgan edi.
Sportchi kecha Instagram tarmog‘idagi sahifasi orqali hozirgi holati haqida ma’lumot berdi.
“To‘rt-besh kun oldin biroz noxushliklar bo‘lgandi. Hozir hammasi yaxshi, Xudoga shukur. Hol-ahvol so‘rayotganlarga katta rahmat. Jiddiy jarohat yo‘q. Tez orada ko‘rishamiz”, – deydi Mirzamatov.
Eslatib o’tamiz, uning 23-fevral kuni Olma-Otada tashkil etiladigan Octagon 70 turniri doirasidagi qozog‘istonlik Georgiy Kichiginga qarshi chempionlik jangi bekor qilingan.
