“Bavariya” himoyachisi Alfonso Devisning agenti Nedal Huose futbolchining klub bilan shartnomasini uzaytirishiga munosabat bildirdi.
Eslatib o’tamiz, avvalroq kanadalik himoyachi myunxenliklar bilan 2030-yilga qadar mo’ljallangan yangi shartnoma imzolagandi.
“Real” jiddiy variant edi. Biz ular bilan ham, boshqa klublar bilan ham muzokaralar olib bordik. Ammo yakunda “Bavariya”da qolishga qaror qilindi”, – deydi Huose.
Ma’lumot uchun, Devis 2019-yildan buyon nemis klubi safida o’ynab kelmoqda. U joriy mavsum barcha turnirlarda 25 ta o’yinda maydonga tushib, bitta gol urdi va 3 ta golli uzatmani amalga oshirdi.
