“Barselona” yarim himoyachisi Frenki de Yong faoliyatini Saudiya Arabistonida davom ettirishi mumkin.
Diario Sport xabariga ko’ra, Saudiyaning nomi oshkor qilinmagan ikki klubi allaqachon de Yongning agentlari bilan bog’lanishgan, potensial xaridorlar “Barselona”ga yozda transfer uchun katta summa taklif qilishga tayyorligini bildirgan.
Shuningdek, gollandiyalik futbolchining o’ziga maoshini ikki baravar oshirilishi va’da qilingan.
Qayd etilishicha, Frenki haligacha kataloniyaliklar bilan shartnomani uzaytirish borasida kelishuvga erishgani yo’q. Amaldagi bitim 2026-yilning yoziga qadar mo’ljallangan.
