“Roma” klubi egalari hisoblanmish Frindkinlar oilasi “Real Madrid” bosh murabbiyi Karlo Anchelottini “bo’rilar” boshqaruviga olib kelishga harakat qilmoqda. Bu haqda AS xabar berdi.
Manbaga ko’ra, Rim klubi xo’jayinlari Anchelottidan boshqa hech kim “Roma”ni Yevropa elitasiga olib chiqa olmaydi, deb hisoblaydi.
Biroq, ta’kidlanishicha, “bo’rilar”ga Anchelottini jamoaga olib kelish qiyin bo’ladi. Chunki mutaxassis “Real”da qolishni afzal ko’rmoqda va iloji boricha ispan grandi bilan shartnomani uzaytirmoqchi.
Ma’lumot uchun, hozirda “Roma”ni italiyalik mashhur mutaxassis Klaudio Ranyeri boshqarmoqda. Tomonlar mavsum so’nggiga qadar bitim tuzishgan.
