“Roma” bosh murabbiyi Klaudio Ranyeri Yevropa Ligasi umumiy bosqichining so’nggi turida “Ayntraxt”ga qarshi o’yindan so’ng (2:0) Eldor Shomurodov haqida gapirdi.
Eslatib o’tamiz, ushbu bahsda Shomurodov 67-daqiqada zaxiradan o’yinga qo’shildi va 69-daqiqada jamoasining ikkinchi goliga mualliflik qildi.
“Men unga biz bilan qolishini aytdim. Barcha yigitlar, muxlislar uni yaxshi ko’radi, chunki u maydonda borini berib harakat qiladi.
Men u bilan “Kalyari”da birga ishlaganman, u doim tabassum qiladi, garchi ba’zida u meni g’azablantirsa ham!
Men uni ko’p urushib turaman. Shuning uchun unga: “Agar sen ketsang, kimga jahl qilaman?!”, deb aytdim”, – deydi Ranyeri.
Ma’lumot uchun, “Roma” Yevropa Ligasi umumiy jadvalida 15-o’rindan joy oldi va pley-off ishtirokchisiga aylandi.
