“Manchester Siti”ning APL doirasidagi o’yinlari O’zbekistonda ham namoyish etilishi mumkin.
Terma jamoa himoyachisi Abduqodir Husanov “Manchester Siti” futbolchisiga aylangach, Zo’r TV telekanali Premyer-liga o’yinlarni O’zbekiston hududida translyatsiya qilish huquqini qo’lga kiritgani aytilmoqda.
Sharhlovchi Otabek Jo’rayev xabariga ko’ra, mamlakatimizda APLning tur doirasidagi ikkita o’yini namoyish qilinadi.
“Zo’r TV APL doirasidagi Abduqodir Husanov ishtirokidagi o‘yinlarni namoyish etadi!
APL ning har turida Zo’r TV tomonidan ikkita uchrashuv namoyish etiladi. Birinchi o’yin bu, tushunarli – MS o‘yini. Ikkinchisi esa Liverpul, Arsenal, Chelsi, Manchester Yunayted, Tottenhem yoki boshqa ingliz brendi ishtirokidagi o‘yin”, – deydi Jo’rayev.
Ma’lumot uchun, ushbu telekanal hozirga qadar La Liga va YChL doirasida haftada ikkita o’yinni namoyish etib kelayotgan edi.
