Madridning “Real” klubi bosh murabbiyi Karlo Anchelotti “qaymoqranglilar” YChL’ning 1/8 finaliga to’g’ridan-to’g’ri yo’llanma ololmagani va pley-off bosqichiga chiqqanidan so’ng, Chempionlar ligasining joriy mavsumdagi formatini tanqid qildi.
“Yangi formatmi? O’yinlar juda ko’p. Juda ko’p o’yinlar o’tkazildi. Biz o’yinlarni kamaytirishimiz kerak. Bu format menga yoqadimi yo’qmi, bu muhim emas, chunki juda ko’p o’yinlar bor. Biz buni qabul qilib, davom etishimiz kerak”, – deydi Anchelotti.
Ma’lumot uchun, “Real” YChL umumiy bosqichi yakuniga ko’ra 11-o’rinni egalladi. Madridliklar pley-offda “Manchester Siti” yoki “Seltik”ka qarshi maydonga tushadi.
