“Manchester Siti” bosh murabbiyi Pep Gvardiola Angliya Premyer-ligasining 23-turidan o’rin olgan “Chelsi”ga qarshi bahsdan so’ng (3:1), “shaharliklar”ning yangi futbolchisi Abduqodir Husanovni qo’llab-quvvatladi.
“U ingliz tilini bilmaydi, shuning uchun biz u bilan muloqot qilmadik. U faqat bir yoki ikki marta mashg’ulot o’tkazdi.
Futbolchilar birdam va bu juda muhim. Har kim xato qilishi mumkin. Muxlislar har doim yangi kelganlarni qo’llab-quvvatlaydi. U hali juda yosh, o’rganib ketadi”, – deydi Gvardiola.
Eslatib o’tamiz, Abduqodir Husanov 20-yanvar kuni “Manchester Siti” futbolchisi sifatida rasman tanishtirildi. Uning “shaharliklar” bilan tuzgan amaldagi shartnomasi 2029-yilning yoziga qadar amal qiladi.
