“Manchester Siti” bosh murabbiyi Pep Gvardiola YChL doirasida PSJ’dan uchralgan mag’lubiyat haqida fikr bildirdi.
O’yin davomida 2:0 hisobida oldinda borayotgan “shaharliklar” 2:4 hisobida imkoniyatni boy berdi.
“Ular yaxshiroq edi. Ularning markazida yana bitta o’yinchi bor edi, chunki ular “aldamchi to’qqizlik” bilan o’ynashdi. Ularga bosim o’tkazish qiyin bo’ldi. Biz bundan saboq olamiz.
Ularning shunday o’ynashlarini bilardim, ammo o’yin baribir qiyin kechdi, chunki markazda boshqa futbolchi bor edi. PSJ juda yaxshi himoyachilarga ega ajoyib jamoa. Luis Enrikeni tabriklayman.
Pley-off bosqichiga chiqa olamizmi? Hammasi o’z qo’limizda, biz muxlislarimiz ko’z o’ngida g’alaba qozonishimiz kerak”, – deydi Gvardiola.
Ma’lumot uchun, Pep Gvardiola shogirdlari UEFA Chempionlar Ligasi umumiy bosqichining so’nggi turida “Bryugge”ga qarshi maydonga tushadi. Uchrashuvga “Etihad” mezbonlik qiladi.
