Saudiyaning “Al-Ahli” klubi yozda “Real”ning braziliyalik vingeri Vinisius Juniorni o’z safiga qo’shib olmoqchi. Bu haqda Give me Sport xabar bermoqda.
Manbaga ko’ra, arablar mavsum oxirida Vinisius bilan shartnoma imzolashni ustuvor maqsad deb hisoblamoqda va transfer uchun 350 million yevro to’lashga tayyorligi aytilmoqda.
Eslatib o’tamiz, Vinisius Madrid klubiga 2018-yilning yozida kelib qo’shilgandi. Uning amaldagi shartnomasi 2027-yilning yoziga qadar mo’ljallangan.
Ma’lumot uchun, vinger joriy mavsum barcha turnirlarda 26 ta o’yinda maydonga tushib, 16 ta gol urdi va 10 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
