Ispaniyalik mutaxassis Xulen Lopetegi Belgiya terma jamoasi bosh murabbiyi bo’lishi mumkin. Bu haqda Sasha Tavoliyeri xabar bermoqda.
Manbaga ko’ra, Lopetegining nomzodini Belgiya terma jamoasi sport direktori Vensan Mannert tanlagan.
Qayd etilishicha, ispaniyalik mutaxassisning terma jamoaga kelishi sobiq bosh murabbiy Domeniko Tedeska bilan ziddiyatga borib, Belgiyada o’ynashni to’xtatgan Tibo Kurtuaning safga qaytishiga yordam beradi.
Ma’lumot uchun, Lopetegining so’nggi ish joyi “Vest Hem” klubi edi. Mutaxassis londonliklarni 2024-yilning iyulidan 2025-yilning yanvarigacha boshqargan.
