Joriy yilning 23-fevral kunida Qozog’istonning Olma-Ota shahrida Octagon 70 turniri tashkil etiladi. Liga matbuot xizmati musobaqaning markaziy janggini e’lon qildi.
Unga ko’ra, yarim o’rta vazn toifasida o’zbekistonlik MMA ustasi Shohasan Mirzamatov divizionning amaldagi chempioni, qozog’istonlik Georgiy Kichigin bilan bahs olib boradi.
Eslatib o’tamiz, aslida ikkala sportchi o’rtasidagi jang 2024-yilning yanvar oyida o’tkazilishi kerak edi, biroq Mirzamatovning vazn o’lchash marosimidan o’ta olmagani sabab jang bekor bo’lgandi.
Ma’lumot uchun, Shohasan professional faoliyati davomida 18 ta jang o’tkazib, 14 ta g’alaba va 4 ta mag’lubiyat qayd etgan. Kichigin hisobida esa 31 ta g’alaba va 10 ta mag’lubiyat bor.
