“Milan” bosh murabbiyi Paulo Fonseka iste’foga chiqarilishi mumkin. Bu haqda Football Italia xabar bermoqda.
Manbaga ko’ra, “rossonerilar” rahbariyati jamoaning joriy mavsumdagi natijalaridan norozi bo’lib, bosh murabbiyni almashtirishga qaror qilgan.
Qayd etilishicha, asosiy nomzodlar sifatida Roberto Manchini va Mauritsio Sarri tanlab olingan. Shuningdek, klub Massimiliano Allegri nomzodini ham o’rganib chiqmoqda.
Ma’lumot uchun, “Milan” Italiya A Seriyasining 15-turidan so’ng 23 ochko jamg’argan holda turnir jadvalida 8-o’rinda bormoqda.
