Gvineya terma jamoasi sobiq futbolchisi Matias Pogba ukasi Pol Pogbaga uyushtirilgan tovlamachilik harakati ishtirokchisi deb topildi va 3 yillik qamoq jazosiga hukm qilindi. Bu haqda L’Équipe nashri xabar bermoqda.
Manbaga ko’ra, Matias Pogba jazo muddatini elektron nazorat ostida uy qamog’ida o’taydi. Qayd etilishicha, Matiasning advokati mijozi apellyatsiya berishini aytgan.
Pol Pogbaga qarshi uyushtirilgan tovlamachilik harakatining asosiy tashkilotchisi esa 8 yilga ozodlikdan mahrum qilindi.
Eslatib o’tamiz, 2022-yilning yozida Pogbaga bir guruh jinoiy to’da hujum qilgan va 13 million yevro undirishga harakat qilgan. To’da tashkilotchilarining asosiy qismini Pol Pogbaning yaqinlari tashkil etgan.
