“Manchester Siti” vingeri Jeremi Doku faoliyatini “Barselona” safida davom ettirishi mumkin. Bu haqda Transfer News Live xabar bermoqda.
Manbaga ko’ra, 22 yoshli futbolchining vakillari allaqachon kataloniyaliklar rahbariyati bilan bir necha bor uchrashuv o’tkazgan. Tomonlar kelasi yozda amalga oshishi mumkin bo’lgan ehtimoliy transferni muhokama qilishgan.
Ma’lumot uchun, Doku joriy mavsum barcha turnirlarda 24 ta o’yinda maydonga tushib, 6 ta gol urdi va 7 ta golli uzatmani amalga oshirdi. Uning Transfermarkt’dagi narxi 60 million yevroga baholanmoqda.
