O’zbekiston milliy terma jamoasi JCh-2026 saralash bosqichi doirasida Qirg’iz Respublikasiga qarshi maydonga tushdi va yakunda iroda namoyish etib, 3:2 hisobida g’alaba qozondi.
Dastlab, uchrashuvning 15-daqiqasida Joel Kojo mezbonlarni hisobda oldinga olib chiqqan bo’lsa, 17-daqiqada Eldor Shomurodov tezkor gol bilan javob qaytardi.
35-daqiqada Qirg’iz Respublikasi Odiljon Abdurahmonovning goli evaziga yana hisobda oldinga chiqib oldi. Biroq birinchi bo’lim so’nggida Husniddin Aliqulov boshi bilan raqib darvozasini ishg’ol qildi va muvozanatni tikladi.
Ikkinchi bo’limning o’rtalarida, ya’ni 72-daqiqada Oston O’runov ajoyib harakatlar bilan terma jamoamizni uchinchi goliga mualliflik qildi. Shu tariqa hisob boshqa o’zgarmadi va O’zbekiston ushbu g’alabasi orqali turnir jadvalida birinchi o’ringa ko’tarilib oldi.
