Futbol bo’yicha Xitoy milliy terma jamoasi sobiq bosh murabbiyi Li Ti korrupsiyada ayblanib, 20 yillik qamoq jazosiga hukm qilindi. Bu haqda CCTV xabar bermoqda.
Manbaga ko’ra, 47 yoshli mutaxassis 2020-yilda Xitoy terma jamoasi bosh murabbiyi bo’lish uchun 1 million yuan (137 ming dollar) pora bergan.
Bundan tashqari, uning o’zi 2019-yildan 2021-yilgacha milliy terma jamoaga futbolchilarni jalb qilish va klublar bilan shartnoma imzolashda yordam berish uchun jami 50,89 million yuan (qariyb 7 million dollar) miqdorida pora olgan.
Ma’lumot uchun, Li Ti professional futbolchilik faoliyatida “Everton” va Xitoy terma jamoasi sharafini himoya qilgan.
