Madridning “Real” klubi sobiq markaziy himoyachisi Serxio Ramos jiddiy jarohat olgan Eder Militaoning o’rnini to’ldirish maqsadida ortga qaytmoqchi bo’ldi, biroq rad javobini oldi. Bu haqda El Chiringuito xabar bermoqda.
Manbaga ko’ra, Ramos o’zining sobiq jamoasiga himoyadagi jarohatlar epidemiyasini yengishda yordam berish uchun o’z xizmatlarini taklif qildi. Ammo “Real” prezidenti Florentino Peres va klub direktori Xose Anxel Sanches bu taklifni rad erishdi.
Eslatib o’tamiz, Ramos 2005-yildan 2021-yilga qadar “Real” sharafini himoya qilgan. Bu davr ichida u barcha turnirlarda 671 ta o’yinda maydonga tushib, 101 ta gol va 40 ta golli uzatmani amalga oshirgan.
