Yevropaning bir qator grand klublari “Manchester Yunayted”ning 27 yoshli hujumchisi Markus Reshfordga qiziqish bildirmoqda. Bu haqda Caught Offside xabar berdi.
Manbaga ko’ra, “Barselona”, PSJ va “Bavariya” mankunianliklar forvardini qo’lga kiritish imkoniyatlarini o’rganib chiqmoqda.
Qayd etilishicha, Reshford uchun asosiy davogar “Barselona” hisoblanadi. Kataloniyaliklar 2025-yilning yozida futbolchini sotib olmoqchi va bu vaqtga kelib uning narxi pasayishi kutilmoqda.
Eslatib o’tamiz, avvalroq “qizil iblislar” Reshford bo’yicha 40 million funt sterling miqdoridagi takliflarni ko’rib chiqishga tayyorligi haqida ma’lumotlar paydo bo’lgandi.
Ma’lumot uchun, Markus joriy mavsum klub safida jami 24 ta o’yinda maydonga tushib, 7 ta gol urdi va 3 ta golli uzatmani amalga oshirdi.
