Madridning “Real” klubi muxlislari “Barselona” vingeri Lamin Yamalni haqorat qilishgani uchun sanksiyaga uchrashdi. Bu haqda Diario Sport xabar bermoqda.
Ispaniya La Ligasining 11-turida “Barselona” safarda “Real”ni mag’lub etdi (4:0). Uchinchi gol urilganidan so’ng ba’zi tomoshabinlar 17 yoshli futbolchini haqoratlay boshlagan.
Noyabr oyi oxirida madridliklarning uch nafar muxlisi hibsga olingan, ulardan biri voyaga yetmagan bo’lgan.
Zo’ravonlik, irqchilik, ksenofobiya va sportdagi murosasizlikka qarshi kurash bo’yicha hukumat komissiyasi ikki muxlisni 5000 yevro miqdorida jarimaga tortish va bir yilga stadionlarga kirishni taqiqlashni taklif qildi.
Shuningdek, stadion tashqarisida politsiya ishiga aralashgan va raqib futbolchilarini haqorat qilgan muxlislar 3000 yevro jarimaga hamda 6 oyga stadionlarga kirish huquqidan mahrum bo’lishi mumkin.
