“Manchester Siti” bu mavsum Yevropa Chempionlar Ligasiga chiqa olmasa, Erling Holand jamoani tark etishi mumkin. Bu haqda El Nacional xabar bermoqda.
Manbaga ko’ra, tomonlar o’rtasida tuzilgan yangi shartnomada xuddi shunday band bor. Agarda klub YChL’ga chiqa olmasa, futbolchi klubni tark etish huquqiga ega.
Eslatib o’tamiz, avvalroq “shaharliklar” Holand bilan 2034-yilgacha mo’ljallangan yangi shartnoma imzolagandi.
Ma’lumot uchun, norvegiyalik hujumchisi joriy mavsum “Manchester Siti” tarkibida 33 ta o’yin o’tkazib, 25 ta gol urdi va 2 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
