Charm qo‘lqop ustamiz ikki rossiyalik bokschilar – yarimog‘ir vaznda mutlaq jahon chempioni Artur Beterbiyev hamda sobiq chempion Dmitriy Bivol oqshomida ringga ko‘tariladi.
Turki Al ash-Sheyx boshchilishidagi tashkilotchilar 2025-yilning 22-fevral kuniga belgilangan ushbu katta boks oqshomining rasmiy posterini ham e’lon qilishdi.
Markaziy jang Artur Beterbiyev va Dmitriy Bivol o‘rtasida tashkil etiladi. Bu revansh maqomidagi jang bo‘ladi. Ilk jangda Beterbiyev hakamlar qaroriga ko‘ra g‘alaba qozongan va bu e’tirozlarga sabab bo‘lgandi. Turki Al ash-Sheyx e’tirozlarga javoban tezda revansh jangini tashkil qilmoqda.
Biz uchun ahamiyatlisi, Isroil Madrimov Ar-Riyoddagi yulduzli boks oqshomida o‘zining yana bir katta jangini o‘tkazadi. Hamyurtimiz amerikalik mashhur bokschi, birinchi o‘rta vazn toifasida vaqtinchalik WBC chempioni Verjil Ortisga qarshi ringga ko‘tariladi. Bu jangning tashkil etilishi haqida avvalroq xabar berilgandi. Kecha tunda bu rasman o‘z tasdig‘ini topdi.
Shuningdek, Saudiyadagi boks oqshomida superog‘ir vazn toifasida amaldagi IBF chempioni britaniyalik Daniel Dyubua sobiq WBO chempioni Jozef Parkerdan kamarini himoya qiladi.
Rasman! Isroil Madrimov yulduzli oqshomda ringga ko’tariladi
Leave a review
