“Manchester Yunayted” “Napoli”ning 23 yoshli vingeri Xvicha Kvaratsxeliyaga qiziqish bildirmoqda. Bu haqda Sport Mediaset xabar berdi.
Manbaga ko’ra, mankunianliklar gruziyalik futbolchi uchun yiliga 8 million yevro maosh bilan 5 yillik shartnoma, shuningdek, yana 1 million yevro bonus taklif qilishga tayyor.
“Napoli” esa Kvaratsxeliyani jamoada saqlab qolmoqchi va unga har bir mavsum uchun 6 million yevro maosh bilan yangi shartnoma taklif qilmoqda.
Qayd etilishicha, mavsum oxirigacha vaziyat o’zgarmasa, neapolliklar Kvaratsxeliyani taxminan 100 million yevroga transfer qilish imkoniyatlarini ko’rib chiqishi mumkin.
Ma’lumot uchun, Xvicha joriy mavsum barcha turnirlarda 15 ta o’yinda maydonga tushib, 5 ta gol va 2 ta golli uzatmani amalga oshirdi. Uning “Napoli” bilan tuzgan amaldagi shartnomasi 2027-yilning yozida yakuniga yetadi.
