PSJ sport maslahatchisi Luis Kampos O’zbekiston milliy terma jamoasi va “Lans” klubi markaziy himoyachisi Abduqodir Husanov bilan uchrashdi. Bu haqda Foot Mercato xabar bermoqda.
Manbaga ko’ra, uchrashuvda nima haqida so’z borgani hozircha noma’lum. Biroq ma’lumotlarga qaraganda, tomonlar transfer bo’yicha suhbat olib borishgan.
Qayd etilishicha, “Lans” hozir Abduqodirni sotmoqchi emas. Klub vakilimizga jamoaning kelajakdagi loyihalarining bir qismi sifatida qaramoqda.
Eslatib o’tamiz, Husanov 2023-yilning yozida Belarusning “Energetik-BGU” klubidan “Lans”ga 100 ming yevro evaziga kelib qo’shilgandi. Uning Transfermarkt’dagi narxi ayni dam 5 million yevroga baholanmoqda.
