“Liverpul” hujumchisi Muhammad Salah nima uchun haligacha klub bilan yangi shartnoma borasida kelisha olmayotgani ma’lum bo’ldi.
TBR Football xabariga ko’ra, mersisaydliklar haligacha tomonlarning pozitsiyasi tufayli Salahga taklif bilan chiqqani yo’q.
Qayd etilishicha, 32 yoshli forvard yangi shartnoma uch mavsum davom etishini xohlamoqda. Biroq, “Liverpul” rahbariyati Salahning yoshini inobatga olgan holda potensial shartnoma muddatidan xavotirda.
Tomonlar hozirda shartnoma tafsilotlarini muhokama qilishmoqda. Agar kelishuv amalga oshmasa, Salah mavsum yakunida “Liverpul”ni erkin agent sifatida tark etadi.
