Rimning “Roma” klubi himoyachisi Kris Smolling faoliyatini Saudiyaning “Al-Fayha” klubida davom ettiradi. Bu haqda Fabritsio Romano xabar berdi.
Manbaga ko’ra, Smolling yangi jamoasida dushanba kuni tibbiy ko’rikdan o’tadi va 2026-yilgacha mo’ljallangan shartnoma imzolaydi.
Ma’lumot uchun, Kris “Roma” safida jami 155 ta o’yinda maydonga tushib, 10 ta gol urdi va 4 ta golli uzatmani amalga oshirdi. Uning Transfermarkt’dagi narxi 2,5 million yevroga baholanmoqda.
Eslatib o’tamiz, bugun “Roma” Italiya A Seriyasi 3-turi doirasida safarda “Yuventus” mehmoni bo’ladi. Ushbu bahs Toshkent vaqti bilan soat 23:45da start oladi.
