Professional boksda amerikalik sobiq jahon chempioni Kris Algiyeri birinchi yarimo‘rta vaznda sobiq WBA chempioni Isroil Madrimovning Ukraina vakili Sergey Bogachuk bilan jangi haqida gapirdi.
“Ketma-ket ikki mag‘lubiyat – bundan keyin har ikki bokschi uchun tiklanish juda qiyin bo‘ladi. Hozircha bu yigitlar janglarda yaxshi chiqish qilib, shou ko‘rsatishmoqda.
O‘ylaymanki, bu ikki yigitni ehtimoliy mag‘lubiyatdan keyin yana ko‘ramiz. Bu divizion ancha katta, ammo Madrimov va Bogachuk yaxshi o‘sib kelayotgan bokschilardan. Bu divizion haqida gap ketganda, ular kuchli beshlikka kiradi.
Madrimov havaskor boksdagi tajribasi tufayli tez o‘sib kelyapti. Ikkalasi ham g‘alaba qozonishni istaydi, ayniqsa Bogachuk. Turki al ash-Sheyx bu yigitlarga imkoniyat berish uchun pul tikdi.
Men Madrimovga muxlislik qilaman. U hali ham o‘zini chempiondek tutadi. Terens Kroufordga kichik hisobda yutqazdi. Ammo men bu jangda Isroil g‘alaba qozonganiga ishonaman. Bu divizionda Krouforddan keyingi eng yaxshi bokschi Madrimov deb bilaman”, – deydi Algiyeri.
Eslatib o‘tamiz, Isroil Madrimovning Sergey Bogachukka qarshi jangi 21-dekabr kuni bo‘lib o‘tadi.
Sobiq jahon chempioni: “Madrimov Kroufordni mag‘lub etgandi. Men unga muxlislik qilaman”
Leave a review
