Hozirda Red Bull bilan hamkorlik qilayotgan germaniyalik mutaxassis Yurgen Klopp Fransiya klublaridan birining loyihasida ishtirok etadi.
L’Équipe nashri xabariga ko’ra, gap poytaxtning “Parij” klubi haqida ketmoqda. Parij klubining bo’lajak xo’jayini Antuan Arno hamkorlik haqida shunday deydi:
“Men allaqachon Klopp bilan gaplashganman, u bilan ishlashimizdan faxrlanaman. U bizga skautlik masalalarida yordam beradi”, – deydi Arno.
Ma’lumot uchun, parijliklar ayni dam Fransiyaning ikkinchi divizionida to’p suradi. O’tkazilgan 13 ta uchrashuvdan so’ng jamoa 27 ochko jamg’argan holda turnir jadvalida peshqadamlik qilmoqda.
