“Andijon” klubi Vagiz Galiulin transferini e’lon qildi.
Vagiz “Andijon” futbol maktabi tarbiyalanuvchisi hisoblanadi. Faoliyatining asosiy qismini Rossiya premyer-ligasi hamda birinchi divizionida o‘tkazgan. Qanot yarim himoyachisi oxirgi to‘rt yilni “Nefteximik” klubida o‘tkazdi va u yerda jamoa sardori sifatida to‘p surdi.
“Andijon” hamda Galiulin o‘rtasida 1,5 yilga mo‘ljallangan shartnoma imzolandi.
Vagiz faoliyati davomida “Andijon”, “Buxoro”, “Rubin”, “Sibir”, “Ufa”, “Tosno”, “Tambov” va “Nefteximik” jamoalari sharafini himoya qilgan. 2008-yilda esa “Rubin” bilan birgalikda Rossiya chempionligini qo‘lga kiritgan. 2009/10-yilda esa Rossiya Superkubogi sohibiga aylangan. “Tosno” tarkibida 2018-yil Rossiyo Kubogida zafar quchgan.
Shuningdek, futbolchi O‘zbekiston milliy terma jamoasi sharafini ham himoya qilgan. Oxirgi o‘yinini 2021-yilda o‘tkazgan.
