“Barselona” klubi prezidenti Xuan Laportaning maslahatchisi Enrik Masip kataloniyaliklar sobiq bosh murabbiyi, hozirda “Manchester Siti”da ishlayotgan Pep Gvardiolani Xans-Diter Flikdan ustun qo’ydi.
Masipning fikricha, Gvardiola taktikani Flikdan ko’ra ko’proq yaxshi tushunadi.
“Murabbiylarning ikki turi mavjud. Murabbiylikning asl mohiyatini, yetakchilik qobiliyatini o’zida mujassam etgan Pep…
Va yana bir tip bor, ular ko’proq menejerga o’xshab ketadi, ular Pep kabi taktik bilimga ega emas. Masalan, Anchelotti, Flik yoki Del Boske”, – deydi Masip.
Eslatib o’tamiz, Xansi Flik joriy yilning may oyida “Barselona” boshqaruviga kelgandi. Ayni dam germaniyalik mutaxassis qo’l ostida jamoa La Liga turnir jadvalida yakka peshqadamlik qilmoqda.
