Shvetsariyalik yarim himoyachi Jerdan Shakiri “Chikago Fayr” klubini erkin agent sifatida tark etdi.
Ma’lumot uchun, 32 yoshli futbolchi bundan ikki yarim yil muqaddam MLS jamoasiga kelib qo’shilgandi. Faoliyati davomida Shakiri “Bavariya”, “Inter”, “Stok Siti”, “Liverpul” va “Lion” klublarida o’ynagan.
Shuningdek, Jerdan Yevro-2024dan so’ng terma jamoadagi faoliyatini ham yakunlagan. U o’z mamlakati terma jamoasi safida jami 125 ta o’yinda maydonga tushgan.
