Braziliya terma jamoasi va “Barselona”ning sobiq hujumchisi Romario kataloniyaliklarning hujumkor yarim himoyachisi Rafinya haqida fikr bildirdi.
“Rafinya dunyoning eng yaxshi futbolchilaridan biri. U “Barselona” libosida ham, Braziliya libosida ham juda yaxshi o’ynaydi.
Rafinya barcha braziliyaliklar uchun faxr, u bizga hali ham futboldagi o’zgacha tuyg’ularni baxshida etmoqda”, – deydi Romario.
Ma’lumot uchun, Rafinya 2022-yilning yozida “Lids”dan “Barselona”ga o’tgandi. Bu davr ichida u barcha turnirlarda 104 ta o’yinda maydonga tushib, 32 ta gol va 35 ta golli uzatmani amalga oshirdi.
