Ertaga JCh-2026 saralash bosqichi doirasida O’zbekiston milliy terma jamoasi KXDR’ga qarshi maydonga tushadi.
Uchrashuvdan oldin tashkil etilgan matbuot anjumanida terma jamoamiz bosh murabbiyi Srechko Katanes ishtirok etdi va o’yin borasida o’z fikrlarini bildirib o’tdi.
“Birinchi o’yindan so’ng bizda tayyorgarlik uchun yetarlicha vaqt bo’ldi. To’rt kun ichida barcha futbolchilar mashg’ulot olib bordi. Faqatgina maydon maysasida muammolar bo’ldi.
Tayyorgarlik vaqtida maydon holati yaxshi emas edi. Ertaga bizni juda muhim o’yin kutib turibdi va ijobiy natija qayd etish uchun qo’limizdan kelgan barcha ishni qilamiz.
Saralashning barcha o’yinlarini yo’qotishlarsiz o’tkazish qiyin. Shu sababdan ertaga maydonga tushadigan o’yinchilar o’zini ko’rsata oladi deb o’ylayman. Ular yaratilgan imkoniyatlardan maksimal foydalana oladi”, – deydi Srechko Katanes.
