Granadada noma’lum shaxs bolalar futboli o’yini vaqtida tribunadan o’t ochdi. Bu haqda Marca xabar bermoqda.
Manbaga ko’ra, otishma natijasida ikki kishi jarohat olgan va shifoxonaga yotqizilgan.
Jinoyatchi voqea joyidan qochishga muvaffaq bo’lgan. Hozirda politsiya tomonidan qidiruv-surishtiruv ishlari olib borilmoqda.
Otishma 8 yoshdan 9 yoshgacha bo’lgan jamoalar o’rtasidagi o’yin vaqtida sodir bo’lgan. O’q ovozini eshitgan bolalar tribunalar ostidagi xonaga yashiringan.
