“Roma” klubi bosh direktori Lina Suluku o’z lavozimini tark etdi. Bosh murabbiy Daniele De Rossi ishdan bo’shatilgach, unga tahdidlar kuchaydi.
Xabarlarga ko’ra, De Rossi “Roma”dan nafaqat natijalar tufayli emas, balki klub bosh direktori Lina bilan ham mojaro sabab chetlatilgan.
De Rossi iste’foga chiqqach, klub muxlislari Sulukuga nisbatan ko’plab tahdidlar qila boshladi. Ta’kidlanishicha, aynan u De Rossining o’rniga Ivan Yurichni “Roma”ga kelishini talab qilgan.
Eslatib o’tamiz, Daniele bilan jamoa 4 ta uchrashuvda 3 ochkoni qo’lga kiritgandi.
