“Kristal Pelas” sobiq futbolchisi Toni Popovich Avstraliya terma jamoasi bosh murabbiyiga aylandi. Tomonlar o’rtasida ikki yilga mo’ljallangan shartnoma imzolandi.
Popovich Avstraliya terma jamoasini 2018-yildan beri boshqarib kelgan Grem Arnold o’rnini egalladi. Arnold jamoani JCh-2022’da 1/8 finalgacha olib chiqqan va Argentinaga mag’lub bo’lgandi.
Ma’lumot uchun, Popovich besh yil davomida “Kristal Pelas”da to’p surgan va faoliyatini yakunlagach, klub murabbiylar shtabiga ishga kirgan. Mutaxassis Gretsiya va Turkiyada ham ishlagan va 2021/2024-yillar davomida “Melbrun Siti”ni boshqargan.
Eslatib o’tamiz, Avstraliya JCh-2026 saralash bosqichining so’nggi ikki o’yinida Bahraynga mag’lub bo’ldi (0:1) va Indoneziya bilan durang o’ynadi (0:0).
