Madridning “Real” klubi rahbariyati yozgi transferlar vaqtida Vinisius Junior bilan xayrlashishga tayyor. Bu haqda Football Transfers xabar bermoqda.
Manbaga ko’ra, “qaymoqranglilar” yangi shartnoma bo’yicha muzokaralar chog’ida braziliyalik futbolchidan hafsalasi pir bo’lgan. Endilikda klub Vinisius bo’yicha takliflarni ko’rib chiqmoqchi.
Qayd etilishicha, agar Saudiyadan braziliyalik vinger bo’yicha rekord darajadagi taklif tushsa, “Real” buni qabul qiladi.
Ma’lumot uchun, Vinisius joriy mavsum madridliklar safida jami 39 ta o’yinda maydonga tushib, 18 ta gol urdi va 11 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
