Kataloniyaning “Barselona” klubi himoya va yarim himoya pozitsiyalarini kuchaytirishga alohida e’tibor bermoqda.
Shu bois “ko’k-anorranglilar” “Bayer” markaziy himoyachisi Jonatan Ta va “Bavariya” yarim himoyachisi Yozua Kimmix transferi ustida ish olib bormoqda.
Mundo Deportivo xabariga ko’ra, “Barselona” bu futbolchilarni 2025-yilning yozida, ya’ni ularning shartnomalari yakunlanganidan so’ng tekinga qo’lga kiritmoqchi.
Ta’kidlanishicha, kataloniyaliklar allaqachon Taning agenti bilan ushbu masala bo’yicha gaplashgan. Shuningdek, “Barselona” bosh murabbiyi Xans-Diter Flik o’zi “Bavariya”da birga ishlagan Kimmixning jamoaga kelishiga qarshi emasligini bildirgan.
Ma’lumot uchun, Jonatan Ta joriy mavsum barcha turnirlarda 4 ta o’yinda maydonga tushdi. Uning Transfermarkt’dagi narxi 30 million yevroni tashkil qiladi.
Yozua Kimmix esa joriy mavsum barcha musobaqalarda 3 ta o’yinda maydonga tushgan. Uning Transfermarkt’dagi narxi 50 million yevroga baholanmoqda.
