Amerikalik jangchi, yengil vazn toifasida sobiq UFC chempioni va eng uzun himoya seriyasi sohibi (11) Demetrius Jonson (25-4-1) MMA’dagi faoliyatini yakunlaganini e’lon qildi.
Jonson ONE 168 turniridan keyin qo’lqoplarini osib qo’yishga qaror qilgan. ONE bosh direktori Chatri Sutyodtong Jonson promoushenning birinchi shon-sharaf zali a’zosi bo’lishini ma’lum qilgan.
Ma’lumot uchun, 38 yoshli jangchi o’zining so’nggi janggini 2023-yilning may oyida Adriano Moraesga qarshi o’tkazgan va hakamlarning yakdil qarori bilan chempionlik unvonini himoya qilgan.
