Yengil vazn toifasida amaldagi UFC chempioni Islam Maxachev o’zi jang qilmoqchi bo’lgan sportchi nomini ma’lum qildi.
“Getji bilan jangmi? Menga bu fikr yoqdi, chunki men hali Jastin bilan jang qilmaganman. Ro’yxatga nazar tashlang, men Oliveyra bilan ham, Sarukyan bilan ham allaqachon jang qilganman.
Bu raqiblarga qarshi tayyorgarlik ko’rish unchalik qiziqarli emas. Agar Getji keyingi jangda yaxshi natija ko’rsatsa, o’ylaymanki, biz uchrashishimiz mumkin”, – deydi Maxachev.
Eslatib o’tamiz, Maxachev o’zining so’nggi janggini UFC 311 turnirida Renato Moykanoga qarshi o’tkazgan va birinchi raunddayoq bo’g’ish usuli orqali g’alaba qozongan.
