Ikki vazn toifasida sobiq UFC chempioni Konor MakGregor boks qoidalari bo’yicha videobloger Logan Pol bilan ko’rgazmali jang o’tkazishi mumkin.
“Topuriya bilan jang haqidagi mish-mishlar haqiqatga to’g’ri kelmaydi. Men Ambani oilasiga Hindistondagi bosh shousida Logan Pol bilan uchrashishga ruxsat berdim. Keyin yana oktagonga qaytishga harakat qilaman”, – deb yozdi MakGregor X sahifasida.
Eslatib o’tamiz, Konor o’zining so’nggi janggini 2021-yilning iyul oyida UFC 264 turnirida Dastin Poryega qarshi o’tkazgan va dahshatli jarohat olib, texnik nokautga uchragan.
