Madridning “Real” klubi hujumchisi Vinisius Junior nega saudiyaliklar taklifini rad etgani ma’lum bo’ldi.
ESPN xabariga ko’ra, braziliyalik forvard transfer bo’yicha qaror qilishni 2025-yilning yoziga qoldirgan. U bu yil “Oltin to’p”ni qo’lga kiritmoqchi.
Avvalroq saudiyaliklar Vinisiusning transferi uchun “Real”ga bir milliard yevro, futbolchining o’ziga esa yiliga 350 million maosh taklif qilgani haqida ma’lumotlar paydo bo’lgandi.
Ma’lumot uchun, Vinisius 2018-yildan beri “Real” safida to’p surmoqda. Uning amaldagi shartnomasi 2027-yilning yozida yakuniga yetadi.
