Italiya A Seriyasi 25-turidan o’rin olgan bahsda “Roma” safarda chempionat autsayderlaridan biri “Parma” mehmoni bo’ldi.
Uchrashuvdagi yagona gol 33-daqiqada Matias Saule tomonidan kiritildi. Shomurodovning super uzatmasidan so’ng argentinalik futbolchiga nisbatan qo’pollik ishlatildi va Saule jarima zarbasini golga aylantirdi.
Statistikalarga ixtisoslashgan SofaScore nashri o’yindan so’ng futbolchilarning harakatlarini baholab chiqdi.
Unga ko’ra, Eldor Shomurodov 7,2 ballga loyiq ko’rildi va jamoasining eng faol harakat qilgan o’yinchilaridan biri bo’ldi.
