23-avgust kuni Fransiya uchinchi divizioni doirasidagi “Orlean” – “Valensian” uchrashuvi yong’in sabab bekor qilindi. Bu haqda The Sun xabar berdi.
Manbaga ko’ra, arenaga yaqin joylashgan binolardan birida yong’in kelib chiqqan. O’yin avval qisqa muddatga to’xtatilgan, ammo keyinchalik xavfsizlik nuqtai nazaridan rasman bekor qilingan.
Voqea joyiga yetib kelgan o’t o’chiruvchilar yong’inni tezda bartaraf etishgan.
Ma’lum qilinishicha, hodisa natijasida qurbonlar yo’q, o’yinning aniq sanasi keyinroq ma’lum qilinishi ta’kidlangan.
